Ёшларнинг стартап лойиҳалари учун 2 млрд сўм тақдим этилади
Энг яхши лойиҳаларни таклиф қилган ёшлар иштирокида Самарқанд шаҳрида Халқаро инклюзив ёшлар оромгоҳини ташкил этилади.
Ижтимоий ҳимоя миллий агентлиги ва Ёшлар ишлари агентлиги “Фикрингни бер (Voice Up)” инклюзив оромгоҳини ташкил қилиб, ёшлар ташаббуси асосида ўндан зиёд лойиҳаларни амалга оширди.
Эндиликда ушбу лойиҳани ҳар бир ҳудудда ўтказиб, 1 минг нафар ёшларни қамраб олиш, энг яхши лойиҳаларни таклиф қилган ёшлар иштирокида Самарқанд шаҳрида Халқаро инклюзив ёшлар оромгоҳини ташкил қилиш топширилди.
“Ўсиш ва ривожланиш (Upshift)” стартап лойиҳаси кенгайтирилиб, бу йил медиа, дизайн, ҳунармандчилик, ишлаб чиқариш ва инновация йўналишларида ҳам танлов ўтказилади.
Ёшларнинг энг яхши 40 та стартап лойиҳасини молиялаштириш учун 2 миллиард сўм ажратилади.
Аввал ёшлар тадбиркорлиги учун қўшимча 200 миллион доллар ажратилиши маълум бўлганди.
