Ўзбекистонда об-ҳавонинг кескин ўзгариши кутилади
4-6-ноябр кунлари республиканинг барча ҳудудларига совуқ ва нисбатан нам ҳаво массалари кириб келади. Кундуз кунлари ҳарорат 8-13 даража илиқ бўлади.
Жорий йилнинг 3 ноябр куни Ўзбекистоннинг шимолий ҳудудларига, 4-6-ноябр кунлари республиканинг барча ҳудудларига совуқ ва нисбатан нам ҳаво массалари кириб келади. Республика бўйича об-ҳавонинг кескин ўзгариши кутилмоқда.
3-5-ноябрда баъзи жойларда ёмғир ёғади, тоғ олди ва тоғли ҳудудларда қорга айланади.
4-6-ноябрга келиб ҳаво ҳарорати аста-секин пасаяди ва кечалари 0-3 даража илиқни ташкил этади, баъзи жойларда совуқ бўлиши мумкин, кундуз кунлари 8-13 даража илиққача бўлади.
Кейинчалик ноябр ойининг охиригача ҳаво ҳарорати кечаси 3 даража совуқ-2 даража илиқдан 5-10 даража илиққача, кундузи 8-13 даража илиқдан 18-23 даража илиққача ўзгариб туради.
Ноябр ойида ўртача ойлик ҳаво ҳарорати меъёрдан 1-1.5 даража паст бўлиши кутилмоқда, баъзи жойлада меъёрга яқин бўлади.
Ноябрь ойининг иккинчи ва учинчи ўн кунлигида (2-3 кун) ёғингарчилик асосан ёмғир кўринишида кутилмоқда.