Автомобилга газ баллон ўрнатганлар "техпаспорт" алмаштириши талаб этилмайди
Бу Президентнинг 12 сентябрдаги қарорида кўзда тутилган. Янги тартиб 2025 йил 1 ноябрдан бошлаб кучга киради.
Келаси ойдан автомобилига газ баллон ўрнатганлар "техпаспорт" алмаштириши талаб этилмайди.
1 ноябрдан бошлаб автомобилга газ баллон ўрнатилганидан сўнг "техпаспорт" (автомототранспорт воситаси рўйхатдан ўтказилганлиги тўғрисида гувоҳнома)ни алмаштириш талаб этилмайди.
Мазкур қоида Президентнинг 2025 йил 16 сентябрдаги “Республиканинг ҳудуд, соҳа ва тармоқларида рақамли технологиялар жорий этилишини янада жадаллаштириш чора-тадбирлари тўғрисида”ги ПҚ-286-сон қарорига кўра амалга оширилади. Жорий йилнинг 2025 йил 1 ноябрдан бошлаб транспорт воситасига газ баллони ўрнатилганлигига оид маълумотларни электрон шаклда юритиш орқали транспорт воситасини рўйхатдан ўтказиш гувоҳномасини қайта расмийлаштириш тартиби бекор қилинади.
Аввалроқ ишлаб чиқарилганига 50 йил бўлган автомашиналардан фойдаланиш тақиқланиши мумкинлиги хабар берилганди.
Мазкур қоида бўйича йўл ҳаракат хавфсизлигини таъминлашга қаратилган ҳукумат лойиҳаси эълон қилинди. Янги қоидалар 2026 йил 1 январдан жорий этилиши таклиф қилинган.