Ўзбекистон Исроилнинг Қатарга ҳужумини қоралади
Бундай хатти-ҳаракатлар мутлақо номақбул бўлиб, БМТ Низомини ҳамда халқаро тамойилларини жиддий равишда менсимаслик саналади, дейилади баёнотда.
Ўзбекистон Исроилнинг Қатар пойтахтига ҳужуми бўйича муносабат билдирди.
Ўзбекистон Исроилнинг Доҳа шаҳридаги турар жой ҳудудига уюштирган ҳужумларини қоралайди ва буни Қатар Давлати суверенитетини бузиш, чегаралар дахлсизлиги ва хавфсизлигига тажовуз деб баҳолайди.
"Бундай хатти-ҳаракатлар мутлақо номақбул бўлиб, БМТ Низомини ҳамда халқаро ҳуқуқнинг асосий меъёр ва тамойилларини жиддий равишда менсимаслик ҳисобланади", дейилади муносабатда.
Мамлакат халқаро муносабатларда куч ишлатишнинг ҳар қандай кўринишига ва Яқин Шарқдаги мураккаб вазиятни янада кескинлаштирадиган қадамларга изчил равишда қарши эканини билдирган.
Эслатиб ўтамиз, 9 сентябр куни Исроил Қатар пойтахти Доҳага ҳужум қилди.
Зарба натижасида ҲАМАСнинг Ғазо сектори бўйича етакчиси ал-Ҳайё ва яна уч мансабдор ўлгани айтилмоқда. Баъзи манбалар уларнинг ўлимини рад этмоқда.
