platina.uz
Жамият

Сентябр кам булутли ва қуруқ об-ҳаво билан бошланади

Ой охиригача ҳарорат кечалари 15-20 дан 8-13 даражагача, кундуз кунлари 30-35 дан 20-25 даражагача ўзгариб туриши кутилмоқда. 

Сентябр кам булутли ва қуруқ об-ҳаво билан бошланади

Бу йил сентябрь ойи қандай бўлади? Гидрометеорология хизмати агентлиги эҳтимолий прогнозни улашди.

Ойнинг биринчи ўн кунлигида қулай ҳарорат фонида асосан кам булутли ва қуруқ об-ҳаво бўлиши кутилмоқда. Кечалари ва эрта тонгда 15-20 даража бўлган ҳароратда тетиклантирувчи салқинлик сезилади, кундуз кунлари эса қуёш нурлари ҳавони 35 даражагача, айрим кунларда 37 даражагача иситади.

Кейинчалик сентябр ойининг охиригача ҳарорат кечалари 15-20 дан 8-13 даражагача, кундуз кунлари 30-35 дан 20-25 даражагача ўзгариб туриши кутилмоқда.

Сентябр ойида ўртача ойлик ҳарорат меъёр атрофида, баъзи жойларда меъёрдан 1-1,5 даражага юқори бўлиши кутилмоқда.

Ойнинг иккинчи ярмида айрим кунларда (1-2 кун) қисқа муддатли ёмғир ёғиши мумкин.

Сентябр – куз фаслининг биринчи ойидир, аммо Ўзбекистонда у кўпинча об-ҳаво шароити жиҳатидан бироз юмшоқроқ ҳарорат фонида, ёзга ўхшаш бўлиши кузатилади. Ушбу ойни бахмал мавсуми деб аташ мумкин. Эрталаблари тетиклантирувчи салқинлик, илиқ, аммо иссиқ бўлмаган кунлар об-ҳаво шароитини мамлакатимиз аҳолиси ва меҳмонлари учун айниқса қулай қилади.

Иқлимий кузатув маълумотларига кўра, республика ҳудудининг катта қисмида ойнинг биринчи ярмида ўртача кундузги ҳарорат 30-33 даражани, ойнинг иккинчи ярмида эса 26-29 даражани ташкил этади.

Сентябр ойининг энг илиқ кунларида термометр устуни 35-37 даражагача, жанубда 39-40 даражагача кўтарилади.

© 2025 Platina.uz. Барча ҳуқуқлар ҳимояланган. «Platina.uz» сайтида жойланган маълумотлар муаллифнинг шахсий фикри. Сайтда жойланган ҳар қандай материаллардан ёзма рухсатсиз фойдаланиш тақиқланади.
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги томонидан 02.12.2022 санасида №051412 сонли гувоҳнома билан ОАВ сифатида рўйхатга олинган.
Platina.uz сайтида реклама жойлаштириш масаласида +998 97 022 01 10 телефон рақамига (Telegram: Platina PR) мурожаат қилинг. Таҳририят билан алоқа: info@platina.uz
18+

Иловамизни юклаб олиш

iOSAndroid