Ўзбекистонда яқин кунларда кучли жазирама кутилмоқда
Жанубда ва чўл ҳудудларида баъзи жойларда ҳарорат 43-44 даражагача кўтарилади.
Ўзбекистон ҳудудида жазирама иссиқ бўлиши кутилмоқда.
Гидрометеорология хизмати агентлиги томонидан берилган маълумотга кўра, жорий йилнинг 16-19 июн кунлари Ўзбекистон ҳудудига жанубдан жуда иссиқ ҳаво оқимлари кириб келиши кутилмоқда.
16-17 июнда Қорақалпоғистон Республикаси, Хоразм вилоятида, 17-19 июнда Ўзбекистоннинг қолган ҳудудларида ҳаво ҳарорати кундуз кунлари 40-42 даражагача, жанубда ва чўл ҳудудларда баъзи жойларда 43-44 даражагача кўтарилади.
Республика бўйича шамол тезлиги 13-18 м/с гача кучайиши, айрим жойларда чанг-тўзонлар билан кузатилиши кутилмоқда.