Фарғонада ҳам йўл ҳақи оширилди
Бу ҳақда вилоят ҳокимининг қарори эълон қилинди.
Фарғона вилояти ҳокими қарори билан ҳудудда жамоат транспорти нархи оширилди.
Жумладан, автобусларда бир киши учун йўл ҳақи 2 минг сўм этиб белгиланди (нақд пулда). Йўл ҳақини транспорт карталари, АТТО ва банк карталари орқали тўлаганларга бир марталик имтиёзли тариф 1600 сўмлик нарх амал қилади.
Йўналишли такси (микроавтобус)ларда 3 минг сўм нарх белгиланди.
Фарғона вилояти шаҳар атрофи ва шаҳарлараро вилоят ичи йўналишларида йўлкира:
- автобусларда бир йўловчи учун километри 250 сўмдан;
- йўналишли таксиларда эса 350 сўм этиб белгиланди.
Эслатиб ўтамиз, ноябр ойидан Тошкентда, сўнгра Сирдарёда ҳам жамоат транспорти нархи оширилганди.