Obʼektiv

Ер юзи аҳолисининг 15 фоизи, яъни 1 млрд нафари турли хил ногиронлик ҳолатларига эга. Ногиронлиги бўлган инсонлар Ўзбекистонда 1 млн нафарга яқин.  MY5 нинг “Объектив” дастурида бугун соат 20.00 да ана шу фуқароларнинг ҳақ-ҳуқуқлари янги таҳрирдаги Конституцияда қандай кафолатланаётгани муҳокама қилинади.

“MY5”нинг “Объектив” дастури экспертлар билан бугуннинг яна бир долзарб мавзусини муҳокама қилишди.    Муҳокама қилган мавзу шу кеча-кундузда кузатилаётган аёллар билан боғлиқ нохуш ҳолатларнинг яна бир таҳлили, дейиш мумкин.

MY5 телеканали "Объектив" кўрсатуви нишонида бугун соат 20.00 да прописка ва ҳомиладорлик масаласи ҳақида сўз боради!

Агар биз солиқни камайтирадиган бўлсак, давлатда маблағ етмай қолади, деган тушунча нечоғлик асосли? Бугун MY5 телеканалининг “Объектив” кўрсатуви ижодкорлари мутахассислардан неча йиллар давомида онгимизга сингиб кетган ана шу тушунчага ойдинлик киритилиши ҳақида маълум қилди.

Янгиланаётган Конституциянинг 65-моддасида фарзандларимиз олдида давлатнинг бурчи кафолатланяпти. Мутахассисларнинг қайд этишича, “ота-оналар ва уларнинг ўрнини босувчилар” деган тушунча биринчи марта киритиляпти”. Шунингдек, “энг яхши шарт-шароит яратиш давлатнинг бурчи“ деб белгиланаётгани таъкидланяпти. Аммо MY5 телеканалининг “Объектив” кўрсатуви ижодкорлари эса мутахассисларга муҳим масалани кўндаланг қўйиб, қуш уясида кўрганини қилишини ҳам эслатиб ўтган. Эҳтимол бу борада ҳам мутахассисларда аниқ изоҳ бордир. Бугун соат 20.00 да дастурни кўрсак, бунга ҳам жавоб олишимиз мумкин, бизнингча.

Олий таълим сифати бўйича 25 мингдан ошиқ талаба иштирокида ўтказилган тадқиқот қандай ҳақиқатларни фош этди? Қабул учун ажратилаётган грантлар сони яна кўпаядими?  MY5 телеканалининг “Объектив” ток-шоуси ижодкорларининг таъкидлашича, дастурнинг навбатдаги сонида ана шу каби муҳим саволлар мутахассисларга кўндаланг қўйилиши билан бирга қиммат машинада келадиган талабалар ҳақида ҳам сўз боради!  “Бугун соат 20 00 да эфирга узатиладиган ток-шоу ҳам кўп ҳақиқатларни очади”, дея маълум қилди “Объектив” ижодкорлари platina.uz га.