Qoraqalpogʻiston va Buxoroda suv narxi oshyapti

Qoraqalpogʻiston va Buxoroda 15 yanvardan ichimlik va oqova suv xizmatlari boʻyicha yangi tariflar amalda qoʻllaniladi.

Demak, Qoraqalpogʻistonda narxlar quyidagicha:

ichimlik suvi:

• aholi uchun – 1 m3 2900 (hozir 1850) soʻm;
• byudjet tashkilotlari uchun – 1 m3 3695 (hozir 6383) soʻm (QQS bilan);
• ulgurji isteʼmolchilar uchun – 1 m3 3695 (hozir 6383) soʻm (QQS bilan);

Oqova suv:

• aholi uchun – 1 m3 1400 (hozir 1100) soʻm;
• byudjet tashkilotlari uchun – 1 m3 2350 (hozir 3136) soʻm (QQS bilan);
• ulgurji isteʼmolchilar uchun – 1 m3 2350 (hozir 3136) soʻm (QQS bilan).

Buxoro viloyatidagi narxlar:

ichimlik suvi (1 m3):

• aholi uchun – 3100 (hozir 2400) soʻm;
• byudjet tashkilotlari uchun – 7000 (hozir 3800) soʻm (QQSsiz);
• boshqa isteʼmolchilar uchun – 7000 (hozir 3800) soʻm (QQSsiz);

oqova suv (1 m3):

• aholi uchun – 2800 (hozir 1800) soʻm;
• byudjet tashkilotlari uchun – 4800 (hozir 2600) soʻm (QQSsiz);
• boshqa isteʼmolchilar uchun – 4800 (hozir 2600) soʻm (QQSsiz);

“Damxoʻja suv taʼminoti” MChJ ichimlik suvi taʼminoti boʻyicha (1 m3):

• aholi va suv taʼminoti korxonalari uchun – 650 (hozir 320) soʻm (suv taʼminoti korxonalari orqali);
• boshqa yuridik isteʼmolchilar uchun – 1500 (hozir 700) soʻm.

Eslatib oʻtamiz, shu kungacha Surxondaryo, Toshkent, Fargʻona, Sirdaryo viloyatlari va Toshkent shahrida ichimlik suvi narxlari oshirilgandi.

Qashqadaryo viloyatida esa ichimlik va oqova suv narxlari 2 baravar qimmatlagani yetmagandek, 6 oyda 2 marta oshirilgan.