Toshkentda yana 4 kishi qoʻlga olindi
Ular Jinoyat kodeksining 165-moddasi 3-qismi (juda koʻp miqdorda tovlamachilik), 168-moddasi 4-qismi (juda koʻp miqdorda firibgarlik) bilan tergov qilinayotgan jinoyat ishi doirasida ushlandi.
Toshkent shahrida tovlamachilik va firibgarlik, giyohvand moddalar saqlash aybi bilan yana 4 kishi qamoqqa olindi.
- 1980 y.t. N.B.T. (Jinoyat kodeksi 165-modda 2-qismi, bir guruh shaxslar tomonidan tovlamachilik);
- 1991 y.t. X.S.R. (Jinoyat kodeksi 165-modda 3-qismi, juda koʻp miqdorda tovlamachilik);
- 1964 y.t. Q.Sh.X. (Jinoyat kodeksi 168-moddasi 4-qismi, juda koʻp miqdorda firibgarlik);
- 1971 y.t. Sh.R.F. (Jinoyat kodeksi 273-moddasi 5-qismi, juda koʻp miqdorda giyohvandlik vositasini oʻtkazish).
Avvalroq Toshkentda "Salimboy" nomi bilan tanilgan Salim Abduvaliyev, “Sayidaziz medgorodok”, “Baxti Tashkentskiy” va uning Fargʻonadagi sherigi, Toshkentda yana 10 kishi va zoʻravonlikda ayblanib B.B.A. (1985 y.t.) qoʻlga olingan edi. Shuningdek, "tozalash" ishlari Samarqand, Fargʻona, Andijon va Namanganda ham boshlab yuborilgan.