Ўзбекистон Ҳиндистон ва Покистон ўртасидаги кескинлик сабаб хавотир билдирди
ТИВ томонларни вазиятнинг янада ёмонлашишини олдини олиш учун дипломатик мулоқотга устувор аҳамият беришга чақирган.
Ўзбекистон ТИВ Ҳиндистон ва Покистон ўртасидаги кескинлик юзасидан баёнот берди.
Ўзбекистон томони Ҳиндистон ва Покистон ўртасидаги кескинлашиб бораётган ҳолатнинг ривожланишини хавотир билан кузатиб бораётганини эълон қилди.
Шунингдек, иккала томонни вазминлик кўрсатишга, тинчлик ва барқарорлик манфаатлари асосида ҳаракат қилишга, вазиятнинг янада ёмонлашишини олдини олиш учун дипломатик мулоқотга устувор аҳамият беришга чақирган.
”Ўзбекистон вазиятни деэскалация қилиш ва тинч йўл билан ҳал қилишга қаратилган ҳар қандай халқаро ёки минтақавий ҳаракатларни қўллаб-қувватлашга тайёр”, – дейилади ТИВ баёнотида.
Эслатиб ўтамиз, 7 майга ўтар кечаси Ҳиндистон Покистонга зарбалар берди.
