Трамп эмас: тинчлик бўйича Нобел мукофоти эгаси эълон қилинди
Венесуэлалик собиқ депутат Мария Корина Мачадо "демократик ҳуқуқларни илгари суриш йўлидаги тинимсиз ҳаракати" сабаб Нобелга лойиқ кўрилди.
Доналд Трамп эмас: Мария Корина Мачадо тинчлик бўйича Нобел мукофотини қўлга киритди.
Венесуэлалик собиқ депутат “халқнинг демократик ҳуқуқларини илгари суриш йўлидаги тинимсиз ҳаракати учун” тинчлик бўйича Нобел мукофотига сазовор бўлди.
"Мачадо ўтган йили яширинишга мажбур бўлган. Ҳаётига жиддий таҳдидларга қарамай, у мамлакатда қолди, бу танлов миллионлаб одамларни илҳомлантирди. У ўз мамлакати мухолифатини бирлаштирди", - дея баёнот беради қўмита.
Етти давлат эса АҚШ президенти Доналд Трампни тинчлик бўйича Нобел мукофотига номзод қилиб кўрсатди. Аммо АҚШ президентининг омади чопмади.
Ҳатто Ғазода эришилган тинчлик битимидан кейин ҳам Трампга мукофот насиб этмади. ОАВга кўра, қўмита мукофот эгасини битимгача танлаб бўлган.