Oʻzbekistonda kuchli issiqdan soʻng harorat pasayadi
10-11 iyul kunlari havo harorati 31-36 darajagacha tushishi kutilmoqda.
Oʻzbekistonda ushbu haftadan havo harorati pasayadi.
Oʻtgan hafta respublika boʻyicha kuzatilgan kuchli issiqdan soʻng, 7-11 iyul kunlari Oʻzbekiston hududi boʻyicha havo harorati asta-sekin pasayishi kutilmoqda.
Havo harorati bugun kunduzi 36-41 darajani, 8-9 iyul kunlari 33-38 darajani, 10-11 iyulda 31-36 darajani tashkil etadi. Oʻzbekiston janubida ham harorat pasayadi va ish haftasining oxiriga kelib harorat 37-40 darajani tashkil etadi.
Respublika hududining katta qismida yogʻingarchilik kutilmaydi.
Faqat Fargʻona vodiysi viloyatlarida, shuningdek togʻ oldi va togʻli hududlarda 9-10 iyul kunlari qisqa muddatli yomgʻir yogʻishi ehtimoli bor.
Respublika boʻyicha baʼzi joylarda shamol tezligi 13-18 m/s gacha kuchayishi, chang-toʻzonlar bilan kuzatilishi mumkin.
Toshkentda havo biroz bulutli, vaqti-vaqti bilan oʻzgaruvchan boʻladi, yogʻingarchilik kutilmaydi.
7 iyul kuni harorat asosan 39-41 daraja, 8-9 iyulda 35-38 daraja, 10-11 iyulda 32-37 daraja boʻladi.
Eslatib oʻtamiz, 2-6 iyul kunlari Oʻzbekistonda juda issiq harorat kuzatildi.