Миллий сертификат бўйича тестлар сотиляптими? Агентлик изоҳ берди
Айтилишича, ушбу даъволар ҳеч қандай далил билан тасдиқланмаган. Сотилаётгани айтилган саволларнинг имтиҳонларда қўлланиладиган тест топшириқларига ҳам, агентлик ходимларига ҳам алоқадорлиги ҳақида асос йўқ.

Ижтимоий тармоқларда миллий сертификат имтиҳонлари олдидан “Х вариант” номи остида тест саволлари сотилаётгани бўйича хабарлар тарқалди.
Ҳолатга Билим ва малакаларни баҳолаш агентлигининг ҳудудий бўлимлари ходимлари ва айрим репетиторлар алоқадор экани айтилган.
Мазкур хабарлар юзасидан Билим ва малакаларни баҳолаш агентлиги муносабат билдирди.
Айтилишича, ушбу даъволар ҳеч қандай далил билан тасдиқланмаган. Сотилаётгани айтилган саволларнинг имтиҳонларда қўлланиладиган тест топшириқларига ҳам, агентлик ходимларига ҳам алоқадорлиги ҳақида асос йўқ.
Миллий сертификат имтиҳонларида тест топшириқларининг махфийлиги ва хавфсизлиги белгиланган тартибда таъминланган.
“Фуқаролардан тасдиқланмаган маълумотларга ишонмасликни ва “100 фоиз кафолатланган саволлар” ваъдаси билан пул талаб қилаётган шахслардан эҳтиёт бўлишни сўраймиз. Бундай ҳолатларга оид аниқ далиллар бўлса, уларни ҳуқуқни муҳофаза қилувчи органларга тақдим этиш мумкин”, дейилади хабарда.





