Тошкентда кадастр ходимлари манзил-колонияга олиб борилди
Тадбирнинг энг таъсирли ва эсда қоларли воқеаси эса бевосита маҳкумлар билан ўтказилган очиқ мулоқот бўлди.
Жиноятчилик, коррупция каби иллатларга қарши курашишда унинг ҳуқуқий оқибатларини аниқ ҳаётий мисолларда кўриш, яқиндан ҳис этиш кутилган натижага тезроқ эришишни таъминлайди.
Ана шу мақсадда Кадастр агентлиги ва Давлат кадастрлари палатаси Тошкент шаҳар бошқармалари масъул ходимларининг Тошкент вилоятидаги 48-сон манзил-колонияга профилактик ташрифи ташкил этилди. Унда колония бошлиғининг тартибот ва тарбиявий ишлар бўйича ўринбосари, майор В.М.Содиқов жазони ижро этиш муассасасидаги шароитлар, сақлаш камералари ва инфратузилма билан таништирди.
Тадбирнинг энг таъсирли ва эсда қоларли воқеаси эса бевосита маҳкумлар билан ўтказилган очиқ мулоқот бўлди.
Ўйламай босган қадами, нотўғри қарори билан бугун қилмишидан надомат чекаётган кимсаларнинг аччиқ қисмати ва панжара ортида чиқарган хулосалари хеч кимни беэътибор қолдирмади.
