Саида Мирзиёева ўзбек ёшлари учун Google эшикларини очиб берди
Ҳар йили 25 нафар ўзбекистонлик талаба Google офисларига стажировкага юборилади.
Президент Администрацияси раҳбари Саида Мирзиёева бугун Google вице-президенти Каран Бхатия билан учрашади. Мулоқот арафасида компания билан ҳамкорлик доирасида ўзбек ёшлари учун яратилаётган янги имкониятлар маълум бўлди.
Google билан ҳамкорликнинг яна бир муҳим йўналиши — кадрлар тайёрлаш. Режага кўра, ҳар йили 25 нафар ўзбекистонлик талаба Google офисларига стажировкага юборилади. Шунингдек, «Янги Ўзбекистон» университети ва Кибер университетда Google сертификатлаш курсларини йўлга қўйиш ҳамда хакатонлар ўтказиш режалаштирилган.
Бу ташаббус ўзбек ёшларига дунёнинг энг йирик технологик компанияларидан бирида бевосита тажриба орттириш ва глобал IT муҳитига кириш имконини беради
