Ўзбекистонда кучли жазирама қачон чекиниши айтилди
20 июн куни республика ҳудудининг катта қисмида экстремал иссиқ об-ҳаво сақланиб туради. Фақат Ўзбекистоннинг шимоли-ғарбий ҳудудларида ҳаво ҳарорати пасайиши бошланади.
Ўзбекистонда кучли иссиқ қачон чекиниши маълум қилинди.
Бугун ва дам олиш кунлари Ўзбекистон ҳудуди бўйича иссиқ кучайиши кутилмоқда. Кундуз кунлари ҳаво 42-45 даражагача, жанубда ва чўл ҳудудларда 46-48 даражагача исийди.
Шамол 9-14 м/с тезликда эсади, баъзи жойларда 15-18 м/с гача кучаяди, шимолда, чўл ҳудудларда баъзида 20-22 м/с гача кучайиши, айрим жойларда чанг-тўзонлар билан кузатилиши мумкин. 20 июн - душанба куни республика ҳудудининг катта қисмида экстремал иссиқ об-ҳаво сақланиб туради. Фақат Ўзбекистоннинг шимоли-ғарбий ҳудудларида ҳаво ҳарорати пасайиши бошланади.
21 июл - сешанба куни республиканинг барча ҳудудлари бўйича иссиқ чекина бошлайди. Ҳаво ҳарорати 6-9 даражага пасайиши прогноз қилинмоқда.
Тошкентда: асосан кам булутли об-ҳаво кузатилади. Бугун кундузги ҳаво ҳарорати 41-43 даража, шанба ва якшанба кунлари 43-45 даража, кечалари эса ҳарорат 25-28 даража бўлади.
