Президент Беларус пойтахтига етиб борди

Ўзбекистон Республикаси Президенти Шавкат Мирзиёев расмий ташриф билан Минск шаҳрига келди.

Беларус пойтахтининг халқаро аэропортида давлатимиз раҳбарини Беларус Республикаси Бош вазири Александр Турчин, ташқи ишлар вазири Максим Риженков ҳамда бошқа расмийлар кутиб олди.

Олий мартабали меҳмон шарафига икки мамлакат давлат байроқлари кўтарилди ва фахрий қоровул саф тортди.

Ташриф дастурига мувофиқ, 9 июл куни олий даражадаги икки томонлама музокаралар бўлиб ўтади.