"Манчестер Сити" Англия кубоги соҳибига айланди
Абдуқодир Ҳусанов Англиядаги иккинчи совринини қўлга киритди.
"Манчестер Сити" Англия кубоги соҳибига айланди.
Англия кубоги фнали доирасида Лондоннинг "Челси" клуби "Манчестер Сити"га қарши баҳс олиб борди ва 0:1 ҳисобида мағлубиятга учради.
Муросасиз кечган учрашувда киритилган ягона голга Антуан Семеньо муаллифлик қилди ва жамоаси финалда ғалаба қозонишига ўз ҳиссасини қўшди.
Ушбу ўйинда Ўзбекистон МТЖ ҳимоячиси Абдуқодир Ҳусанов "Манчестер Сити" таркибида тўлиқ ҳаракат қилди. Тарихда илк бор Ҳусанов Англия кубогини қўлга киритган ўзбек футболчиси бўлди.
Эслатиб ўтамиз, Абдуқодир Ҳусанов бундан аввал Англия Лига кубогини қўлга киритганди.
