Азизбек Ўруновга яна бир лавозим юклатилди
У шу пайтгача Президентнинг Жаҳон савдо ташкилоти бўйича вакили сифатида ишлаб келмоқда.
Ўрунов Азизбек Аллаберганович ўриндошлик асосида Озиқ-овқат маҳсулотлари хавфсизлиги қўмитаси раиси лавозимига тайинланди.
Мазкур қўмита соҳада назорат ўрнатиш мақсадида янги ташкил этилганди.
Ўрунов шу пайтгача Президентнинг Жаҳон савдо ташкилоти бўйича вакили сифатида ишлаб келмоқда.
Шунингдек, Элёр Холматович Талабоев қўмита раисининг комплаенс ва коррупсияга қарши ички назорат бўйича ўринбосари лавозимига тайинланди. Бу пайтгача Президент администрацияси раҳбари котибияти бош инспектори эди.
Фуркат Закирович Жалилов эса қўмита раисига ўринбосар бўлди. У бунгача Президент администрацияси ҳуқуқий экспертиза ва комплекс таҳлил қилиш департаменти бош инспектори лавозимида эди.
