Кўплаб давлатларда Рамазон ойи 19 февралдан бошланади
Ўзбекистон мусулмонлари идораси Фатво маркази уламолари ҳижрий 1447 йил Рамазон ойи ҳилоли кўринмаганини маълум қилди.
Бугун, 17 феврал куни Ўзбекистон мусулмонлари идораси Фатво маркази уламолари ҳижрий 1447 йил Рамазон ойи ҳилоли кўринмаганини маълум қилди.
Шунингдек, Фанлар академияси Астрономия институтининг тақдим этган маълумоти ҳам мазкур кузатишларни тасдиқлади. Шу боис, жорий йил 18 феврал куни ҳижрий 1447 йил Шаъбон ойининг ўттизинчи куни, Рамазон ойининг биринчи куни эса шу йилнинг 19 феврал кунига тўғри келиши ҳақида қарор қабул қилинди.
Қуйидаги аксар мусулмон мамлакатлари ҳам Рамазон ойининг биринчи кунини шу йилнинг 19 феврал куни деб эълон қилди:
- Миср Араб Республикаси
- Иордания
- Сурия
- Ироқ
- Эрон
- Туркия
- Қозоғистон
- Қирғизистон
- Тожикистон
- Туркманистон
- Озарбайжон
- Индонезия
- Бруней
- Уммон
- Сингапур
- Австралия
- Япония
- Покистон
- Ҳиндистон
- Малайзия
- Жанубий Корея
Бундан ташқари, Европа фатво ва тадқиқотлар кенгаши жорий йил 19 феврал кунини Рамазон ойининг биринчи куни деб эълон қилди.
