Месси жаҳон чемпионатини ўтказиб юбориши мумкин
Месси чап сонидан жароҳат олган. Агар у мундиалгача жисмоний ҳолатини яхшилай олмаса, турнирни ўтказиб юборади.
Аргентиналик футболчи Лионел Месси яқинда олган жароҳатидан сўнг ўзининг жисмоний ҳолатига ишончи комил бўлмаса, 2026 йилги Жаҳон чемпионатини ўтказиб юбориши мумкин.
The Touchline нашрининг хабар беришича, Аргентина ва Интер Майами ҳужумчиси Лионел Месси 2026 йилги Жаҳон чемпионатини ўтказиб юбориши мумкин.
38 ёшли аргентиналикнинг қарори унинг жисмоний ҳолатига боғлиқ бўлади.
Агар Месси ўзини 100 фоиз жисмоний ҳолатга эга эмас деб ҳисобласа, у ўйнамайди. Хабарда айтилишича, MLS даражаси етарлича юқори ёки рақобатбардош эмас, шунинг учун у энг яхши формада бўлишни хоҳлайди.
Яқинда Месси чап сонидан жароҳат олгани ҳақида хабар берилган эди.
Ҳозирда у аста-секин жисмоний ҳолатини тикламоқда ва машғулотларга қайтмоқда.
Аввалроқ ўзбекистонлик ҳужумчи Жалолиддин Машариповнинг ЖЧда қатнашиши сўроқ остида қолгани айтилганди.
