Мадуро АҚШда судга тортилади

Венесуэла президенти Николас Мадуро ҳибсга олинди ва АҚШда судга тортилади.

Республикачи сенатор Майк Ли АҚШ Давлат котиби Марко Рубиога асосланиб, Венесуэла президенти Николас Мадуро АҚШда жиноий айбловлар бўйича судга тортилишини маълум қилди.

"Ҳозиргина АҚШ Давлат котиби Марко Рубио билан телефонда гаплашдим. У менга Николас Мадуро АҚШ ҳарбийлари томонидан Қўшма Штатларда жиноий айбловлар билан ҳибсга олинганини маълум қилди", деб ёзди Ли ижтимоий тармоқларда.

Ли шунингдек, бугун Венесуэлада содир бўлган куч ишлатиш ҳаракатлари ҳибсга олиш ордерини ижро этувчиларни ҳимоя қилиш учун кўрилганини айтди.

Қўшма Штатлар Мадуро ва унинг рафиқасини "нарко-терроризм"да айблади ва улар тез орада Америка судида жавоб берадилар. Бу ҳақда АҚШ бош прокурори Памела Бонди Х ижтимоий медиа платформасида эълон қилди.

"Николас Мадуро ва унинг рафиқаси Силия Флорес Ню-Йоркнинг жанубий округида судланади. Николас Мадуро нарко-терроризм, кокаин импорт қилишга фитна уюштириш, пулемётлар ва вайронкор қурилмаларни ноқонуний сақлаш ва пулемётлар ва портловчи қурилмаларга эгалик қилиш бўйича айбланмоқда.

Улар тез орада Америка судларида жавоб беришига тўғри келади", деди Бонди.

Бонди ўз постида шунингдек, Мадурони Америка халқи ва Америка ҳарбийлари номидан операция учун жавобгарликка тортишни талаб қилишдаги жасорати учун Трампга миннатдорчилик билдирди.

Аввалроқ Трамп Венесуэла президенти қўлга олинганини эълон қилганди.

Мадуро ва унинг рафиқаси ушланиб, мамлакатдан олиб чиқилган.