Ўткиржон Муйсиналиев Жиззах вилояти ҳокимига ўринбосар бўлмаган

Platina.uz сайтида "Жиззах вилояти ҳокими ўринбосари в.в.б Ўткиржон Муйсиналиев ишдан олинди" номли хабар берилганди. Аслида вазият бошқача бўлиб чиқяпти.

2025 йил феврал ойида Жиззах вилояти ҳокимининг фармойиши билан Муйсиналиев Ўткиржон Алишеровичга вилоят ҳокими ўринбосари – инвестициялар, саноат ва савдо бошқармаси бошлиғи вазифасини вақтинча бажариш юклатилган. Ҳужжатда сабаби келтирилмаган.

2025 йил декабрга келиб, Муйсиналиев ушбу вазифадан озод этилгани ҳақида хабар келди. Platina.uz вазиятга аниқлик киритиш мақсадида Жиззах вилояти ҳокимияти билан боғланди.

Ҳокимиятдагилар ҳокимнинг инвестициялар бўйича ўринбосари вазифасига вақтинча Азиз Ибрагимов тайинланганини тасдиқладилар. Бу ҳам вақтинча ўринбосар.

Ўткиржон Муйсиналиев хизмат сафари якунлангани сабабли ўзининг асосий иш жойи – Инвестициялар, саноат ва савдо вазирлигига қайтган.

Асосий ўринбосар деб кўрсатилган Иброҳим Комилов бир йилдан бери бетоб ва даволанишда бўлган, ҳозир унинг лавозимдан олинган ё олинмагани номаълум.

Жиззах вилояти ҳокимлиги ахборот хизмати вазиятни аниқлаштириб берса, мақсадга мувофиқ бўларди.

Platina.uz ушбу масалага ойдинлик киритди ва тушунмовчилик учун Ўткиржон Муйсиналиевдан узр сўрайди.