Португалия U17 жамоаси Жаҳон чемпиони бўлди
Нимчорак финалда Ўзбекистонни енгган Италия эса 3-ўринни қўлга киритди.
Португалия U17 жамоаси Жаҳон чемпиони бўлди.
Қатарда ўтказилган Жаҳон чемпионатида улар Австрияни 1:0 ҳисобида енгиб, биринчи бор кубокни боши узра кўтарди.
Қатарда бўлиб ўтган 17 ёшгача бўлган ўсмирлар ўртасидаги жаҳон чемпионати финалида Португалия Австрияни 1:0 ҳисобида мағлуб этиб, илк бор бу ёш тоифасида чемпион бўлди.
Ҳал қилувчи гол 32-дақиқада чап қанотдан уюштирилган ажойиб комбинация якунида Бенфика ҳужумчиси Анисио Қабрал томонидан киритилди.
Бу турнирдаги Кабралнинг еттинчи голи бўлиб, бу кўрсаткич Австриянинг “Олтин тўп” соҳиби Йоханнес Мосердан атиги битта гол кам.
Иккинчи бўлимда Австрия босимни кучайтирди, бироқ Португалия ҳимояда собитқадамлик кўрсатиб, устунлигини етуклик ва тактик интизом билан сақлаб қолди.
Учрашув Доҳадаги "Ҳалифа" стадионида бўлиб ўтди.
Кеча шунингдек, Жаҳон чемпионати 3-ўрин ғолиби ҳам аниқланди. Нимчорак финалда Ўзбекистонни енгган Италия Бразилияни дурангдан сўнг бўлиб ўтган пеналтилар сериясида 4:2 ҳисобида мағлуб этиб, учинчи ўрин учун баҳсда ғалаба қозонди.