Халқаро захиралар тарихий рекорд ўрнатди
Жаҳон бозоридаги олтин нархининг 50% ўсиши мамлакат захираларининг кўпайишига асосий омил бўлди.
2025 йил 1 ноябр ҳолатига кўра, мамлакатнинг расмий захира активлари 59,3 млрд долларга етган. Бу тарихдаги энг юқори кўрсаткич экани айтилган.
Захиралар қиймати бир ойда 4,3 млрд долларга ошган, шундан:
- валюта қисми — 731 млн долларга;
- олтин қисми — 3,6 млрд долларга, яъни 47,8 млрд долларгача кўпайган.
Олтин захирасининг ҳажми ҳам 11,6 млн троя унциядан 11,9 млн унциягача ошган.
Жаҳон бозоридаги олтин нархининг 50% ўсиши мамлакат захираларининг кўпайишига асосий омил бўлган.
Марказий банк маълумотига кўра, захиралар таркибидаги қимматли қоғозлар қиймати ҳам 1 млрд доллардан ошиб кетган. Олтин нархи 2025 йилда илк бор 1 унция учун 4381 доллардан ошган.