Андижонда туман ҳокими ўринбосари қўлга олинди
У дўкон қуриш учун ҳужжатларни расмийлаштириб бериш баҳонасида фуқародан пул талаб қилган.
Андижонда туман ҳоким ўринбосари 15 минг доллар пора билан ушланди. Бу ҳақда вилоят ИИБ хабар қилди. Амалдор қайси туманда фаолият юритиши айтилмаган.
Ички ишлар ва ДХХ ҳамкорлигида коррупцияга қарши қатор тадбирлар ўтказилган.
Тадбирлардан бирида, мансабдор 400 метрли сув йўлини ёпиқ тизимга ўтказиш эвазига ҳосил бўладиган ерда дўкон қуриш учун ҳужжатларни расмийлаштириб бериш баҳонасида фуқародан пул талаб қилган.
Ҳоким ўринбосари 15 минг доллар олаётганда қўлга олинган. Ҳозирда унга нисбатан ЖКнинг 168-моддаси бўйича иш очилиб, қамоққа олиш чораси қўлланилган.