Азиз Тошпўлатов Ўзбекистон аралаш жанг санъати (MMA) ассоциацияси раиси этиб сайланди
ИИВ раҳбари бир вақтнинг ўзида волейбол федерацияси раиси ҳам саналади.
Ички ишлар вазири Азиз Тошпўлатов Ўзбекистон аралаш жанг санъати (MMA) ассоциацияси раиси лавозимига сайланди. Бу ҳақда хабар Ўзбекистон Миллий олимпия қўмитасининг Instagram саҳифасида маълум қилинди.
Ўзбекистон MMA ассоциацияси 2019 йил ноябр ойида ташкил этилганди. Унга дастлаб ҳозирда Миллий олимпия қўмитаси раисининг биринчи ўринбосари сифатида фаолият юритаётган Отабек Умаров раҳбарлик қилган.
Эслатиб ўтамиз, Азиз Тошпўлатов бир вақтнинг ўзида Ўзбекистон волейбол федерацияси раиси лавозимини ҳам эгаллаб келяпти. Бу лавозимга у 2025 йил апрелда сайланганди.