Муроджон Аҳмадалиев мутлақ жаҳон чемпионини енга олмади
12 раундлик чемпионлик жанги тўлиқ давом этди. Якунда ҳакамлар япон боксчиси Наоя Иноуэнинг ғалабасини қайд этди.
Муроджон Аҳмадалиев япониялик мутлақ жаҳон чемпиони Наоя Иноуэдан мағлубиятга учради.
Нагоя шаҳрида жойлашган IG Arena мажмуасида профессионал бокс оқшоми ниҳоясига етди.
Мусобақанинг асосий баҳсида иккинчи энг енгил вазн тоифасида япониялик мутлақ жаҳон чемпиони Наоя Иноуэ ушбу вазн тоифасида WBA йўналиши бўйича вақтинчалик чемпионлик камари соҳиби, ҳамюртимиз Муроджон Аҳмадалиев билан тўқнаш келди.
12 раундлик чемпионлик жанги тўлиқ давом этди.
Якунда ҳакамлар бир овоздан япон боксчисининг ғалабасини қайд этишди. Иноуэ чемпионлик камарларини ўзида сақлаб қолди.
Шундай қилиб, 30 яшар ҳамюртимиз фаолиятидаги 16-жангида 2-мағлубиятини қабул қилиб олди. 32 ёшли Наоя эса 31-жангида ўзининг 31-ғалабасини нишонлади.