Телекоммуникациялар соҳасида янги агентлик тузилади
Агентлик оператор ва провайдерлар томонидан кўрсатилаётган хизматлар сифатини мониторинг қилиб боради.
Телекоммуникацияларни тартибга солиш агентлиги ташкил этилади.
Бу ҳақда “Телекоммуникациялар соҳасида тартибга солиш тизимини такомиллаштириш чора-тадбирлари тўғрисида”ги Президент Фармони (ПФ–142-сон, 21.08.2025 й.) қабул қилинди.
Гап нима ҳақида?
Фармонга кўра, Телекоммуникацияларни тартибга солиш агентлиги ташкил этилади.
Агентлик оператор ва провайдерлар томонидан кўрсатилаётган хизматлар сифатининг белгиланган талабларга мувофиқлигини тасдиқланган режага мувофиқ ҳар ойда камида 1 маротаба мониторинг қилиб боради.
Агентлик молиявий ва тузилмавий жиҳатдан ҳамда ваколати доирасида қарор қабул қилишда мустақил ҳисобланади ҳамда ўз фаолиятида Вазирлар Маҳкамасига ҳисобдор бўлади.
Янги агентликлар
Бир неча кун аввал ўтказилган президент йиғилишида Енгил саноатни ривожлантириш агентлиги тузилиши маълум қилинганди. Унга қатор вазифалар юклатилганди.