Meta, Apple, Google ва бошқа компаниялар Ўзбекистонга 78 млрд сўмдан ошиқ солиқ тўлади

Ўзбекистонда электрон хизматлар кўрсатувчи хорижий компаниялар 78 млрд сўмдан ортиқ солиқ тўлаган. Бу ҳақда Давлат солиқ қўмитаси хабар берди.

Ўзбекистонда электрон хизматлар кўрсатувчи 72 та хорижий компания томонидан 2025 йилни I-ярим йиллигида 78,2 млрд сўм солиқ тўланган. Бу 2024 йилнинг мос даврига нисбатан 42 фоизга ўсишдир.

Тўланган солиқларнинг 94% электрон хизматлар кўрсатувчи қуйидаги 10 та хорижий компаниялар ҳиссасига тўғри келади:

• Meta- 22,6 млрд сўм;
• Apple - 22,1 млрд сўм;
• Google - 19,4 млрд сўм;
• OpenAI - 2,9 млрд сўм;
• Booking.com - 1,9 млрд сўм;
• Tik-tok - 1,8 млрд сўм;
• Neftlix - 896,2 млн сўм;
• Assa - 797,1 млн сўм;
• Zoom - 786,7 млн сўм;
• Adobe - 530,8 млн сўм.

Электрон хизматлар кўрсатувчи чет эл юридик шахслари ўтган чоракдан кейинги ойнинг 20-кунидан кечиктирмай солиқ ҳисоботларини тақдим этади ва солиқларни тўлайди.