Сакен Пўлатов Asian Boxing вице-президенти этиб сайланди
У 2019 йилдан бери Ўзбекистон бокс федерацияси раисининг биринчи ўринбосари ҳам ҳисобланади.
Сакен Пўлатов Asian Boxing вице-президенти этиб сайланди. Бу ҳақда Миллий олимпия қўмитаси хабар берди.
Таиландда ўтаётган бокс бўйича U19 ва U22 ёш тоифаларидаги Осиё чемпионати доирасида Asian Boxing ташкилотининг Конгресси бўлиб ўтди. Мазкур анжуманда ташкилот раҳбарияти таркиби шакллантириб олинди.
Жумладан, Ўзбекистон бокс федерацияси раиси биринчи ўринбосари Сакен Пўлатов Asian Boxing ташкилотининг вице-президенти лавозимига сайланди.
Сакен Пўлатов 1975 йилда Тошкент шаҳрида туғилган. Маълумоти олий. У бир неча йил спорт соҳасида, жумладан Тошкентнинг "Локомотив" футбол клуби тизимида фаолият олиб борган. Сакен Пўлатов 2019 йилдан бери Ўзбекистон бокс федерацияси раисининг биринчи ўринбосари ҳисобланади.