ОАВ: Трамп Зеленский билан Москвага зарба беришни муҳокама қилган
Бундан ташқари Трамп Россия Украина билан 50 кун ичида ўт очишни тўхтатиш келишувига эришмаса, 100 фоизлик божлар жорий этиш билан таҳдид қилди.
АҚШ президенти Доналд Трамп телефон орқали суҳбатда Украина президенти Владимир Зеленскийни Россияга босимни кучайтиришга чақирди.
Бу ҳақда The Washington Post шарҳловчиси Де-эвид Игнатиус исм-шарифи ошкор қилинмаган манбага асосланиб ёзган.
Унга кўра, Америка президенти Украина раҳбаридан нега Украина қуролли кучлари Москвага зарба бермаётганини сўраган.
“Агар бизга қурол берсангиз, қила оламиз”, дея жавоб берган Владимир Зеленский. Нашр суҳбатдошига кўра, Доналд Трамп “нафақат Москва, балки Санкт-Петербургга ҳам зарба бериб, “Украина Путинга босимни кучайтириши керак” деган.
Бир кун аввал АҚШ президенти Доналд Трамп Россия Украина билан 50 кун ичида ўт очишни тўхтатиш келишувига эришмаса, унга 100 фоизлик божлар жорий қилиш билан таҳдид қилди.
15 июл куни BBCга берган интервьюсида Трамп Россия президенти Владимир Путиндан ҳафсаласи пир бўлган бўлса-да, ўт очишни тўхтатишга умидини йўқотмаганини тан олди.