Трамп Эрон ва Исроил ўт очишни тўхтатишга келишганини айтди: сўнгги янгиликлар

24 июнга ўтар кечаси Яқин Шарқдаги кескинлик бўйича муҳим воқеалар содир бўлди. Жумладан, Эрон Қатардаги АҚШ базаларига ракета учирди, президент Трамп Эрон ва Исроил ўртасида ўт очишни тўхтатишни эълон қилди.

Трамп Исроил ва Эрон ўт очишни тўхтатишга келишиб олганини маълум қилди.

"Ҳаммани табриклайман! Исроил ва Эрон 12 соат ичида тўлиқ ва кенг қамровли ўт очишни тўхтатишга келишиб олдилар, шундан сўнг уруш тугаган деб ҳисобланади”, — деб ёзди у ўзининг Truth Social ижтимоий тармоғида.

Унинг сўзларига кўра, "24 соат ичида дунё 12 кунлик урушнинг расман тугашини кутиб олади".

"Бу уруш йиллар давомида давом этиши ва бутун Яқин Шарқни вайрон қилиши мумкин эди, лекин бу содир бўлмаган ва ҳеч қачон бўлмайди", - дея қўшимча қилди Трамп.

Қатар бош вазири Муҳаммад бин Абдулраҳмон Ол Тани Эроннинг АҚШнинг ўт очишни тўхтатиш таклифига розилигини таъминлади, дея хабар бермоқда Reuters ўз манбасига асосланиб.

Унга кўра, Эрон расмийлари билан телефон мулоқоти Эрон АҚШнинг Қатардаги Ал-Удейд базасига берган зарбаларидан кейин бўлиб ўтган.

АҚШ президенти Доналд Трамп Қатар амирига Исроил ўт очишни тўхтатишга рози бўлганини айтди ва Доҳадан Теҳронни шунга кўндиришда ёрдам сўради, дея хабар беради манба.

Axios, шунингдек, сулҳ Қатар воситачилигида эришилгани ҳақида хабар беради.

Базага қилинган ҳужумдан сўнг Эрон Оқ уйга кейинги ҳужумлар уюштирмаслиги ҳақида хабар юборди, Вашингтон эса Эронга ҳужум қилмаслигини айтди ва музокараларни давом эттиришга тайёрлигини билдирди, деди Ахиос манбаси.

“Шундан сўнг АҚШ ва Исроил, шунингдек, Қатар ва Эрон ўртасида ўт очишни тўхтатиш шартлари ва қачон бошланишини келишиб олиш мақсадида музокаралар давом этди”, деб ёзади нашр.

24 июнга ўтар кечаси Эрон Қатардаги АҚШ базасига қарата ракеталар учирди. Ўнта учирилган ракетадан тўққизтаси уриб туширилган. Доналд Трампнинг айтишича, ракета ҳужумида ҳеч ким жабрланмаган.

Шунингдек, Эрон мазкур ҳужумлардан АҚШ ва Қатарни огоҳлантирган.

Эслатиб ўтамиз, 22 июн куни АҚШ самолётлари Эрондаги ядровий объектларга зарба берганди.