Шавкат Мирзиёев Озарбайжонга бориши кутилмоқда
Ташрифнинг аниқ санаси ҳозирча маълум эмас.
Ўзбекистон президенти Шавкат Мирзиёев Озарбайжонга боради.
Бу ҳақда Ўзбекистон Республикаси инвестициялар, саноат ва савдо вазири, Ҳукуматлараро комиссия ҳамраиси Лазиз Қудратовнинг 20 июн куни Озарбайжон президенти Илҳом Алиев билан учрашувида маълум қилинган.
Вазир Ўзбекистон Президенти ҳукуматга Озарбайжонга ушбу ташрифни аниқ ва амалий мазмун билан бойитиш бўйича топшириқ берганини таъкидлади, дейилади хабарда.
Ташрифнинг аниқ санаси ҳозирча маълум эмас.
Эслатиб ўтамиз, аввалроқ Шавкат Мирзиёев Беларусга бориши маълум бўлганди. 26-27 июн кунлари Минскда ЕОИИ форуми бўлиб ўтади.