Бойсунда 3 гектар жой ёниб кетди
Ёнғин нимадан чиққани айтилмаган, олов тахминан 14 соатларда ўчирилган.
17 июн куни Сурхондарё вилояти Бойсун тумани Кенгдала ўрмон хўжалиги бўлимига қарашли арчазорларга туташ 3 гектар ҳудудда ёнғин чиққан.
Вилоят ФВБга бу ҳақда соат 17:45 да хабар берилган. Майдондаги ёнғин 18 июн куни соат 07:10 да ўчирилган.
Ёнғинни ўчиришга 85 нафар шахсий таркиб, 4 та техника, Ўрмон хўжалиги бўлимидан 40 нафар ходим, 4 та техника, ИИБдан 6 нафар ходим, Мудофаа вазирлигидан 20 нафар ҳарбий хизматчи ва битта ҳарбий вертолёт, маҳаллий аҳолидан 40 нафар кўнгилли жалб этилган.
Шунингдек, ёнғинни ўчириш жараёнида Чегара қўшинларининг учувчисиз учиш воситаларидан ҳам фойдаланилган.
Ёнғин нимадан чиққани, зарар миқдори, қанча дарахтлар ёнгани ҳақида ҳозирча маълумот йўқ.