Муроджон Аҳмадалиев мексикалик боксчини техник нокаутга учратди
Бектемир Мелиқўзиев эса америкалик Дарюс Фулгхэмни енгиб, WBA камари учун даъвогарга айланди.
Ўзбекистонлик боксчилар Бектемир Мелиқўзиев ва Муроджон Аҳмадалиевлар навбатдаги жангларини ўтказдилар.
Бектемир Мелиқўзиев Лас-Вегасдаги бокс оқшомида америкалик Дарюс Фулгхэмни 12 раундлик жангда мағлуб этди ва WBA камари учун даъвогарга айланди.
Боксчимиз 12-раундда рақибини нокдаун ҳолатига тушириб қўйди.
Бу Бектемир рақибининг фаолиятидаги илк мағлубиятидир.
Мексикада ўтказилган профессионал бокс кечасида Муроджон Аҳмадалиев мезбонлар вакили Луис Кастилио билан жанг ўтказди.
10 раунд этиб белгиланган жангнинг 8-раундида Муроджон Аҳмадалиевга рақиби қаршилик кўрсата олмади. Ҳакам баҳсни тўхтатди ва Луис Кастилио техник нокаутга учрагани тўғрисида қарор чиқарди.
Муроджон Аҳмадалиевнинг профессионал боксдаги жанглари сони 15 тага етди. Улардаги ғалабалар сони эса 14 тани ташкил қилмоқда.