"Барселона" муддатидан аввал чемпионликни қўлга киритди
Жамоа 36-турдаги ғалабадан сўнг 85 очко тўплаб, "Реал"дан 7 очкога ўзиб кетди.
"Барселона" муддатидан аввал чемпионликни қўлга киритди.
Жамоа Испания чемпионатининг 36-туридан ўрин олган сафарда "Эспанол"ни мағлуб этди.
Учрашув 2:0 ҳисобида якунланди. Голларга Ламин Ямал ва Фермин Лопес муаллифлик қилишди. Шу тариқа "Барселона" муддатидан аввал Ла Лига ғолибига айланди.
Клуб жами 85 очко жамғариб, 28 марта Испания чемпионлигини қўлга киритди. Иккинчи ўринда бораётган “Реал Мадрид” ҳисобида 78 очко бор. "Атлетико"да эса 70 очко мавжуд.
Бу Каталония жамоасининг 28-чемпионлиги саналади.