АҚШ ва Эрон тўғридан тўғри музокаралар ўтказади
Трамп Эрон музокаралардан бош тортса, қақшатқич зарбага учрашидан огоҳлантирганди.
Эрон ва АҚШ етти йил ичида илк бор музокара ўтказади.
Америка Қўшма Штатлари Президенти Доналд Трампнинг айтишича, 12 апрел куни Америка Қўшма Штатлари ва Эрон ўртасида "тўғридан-тўғри" учрашув бўлиб ўтади.
"Агар ядро музокаралари муваффақиятсиз якунланса, Эрон катта хавф остида қолади", деб огоҳлантирди Трамп.
Оқ уйда Исроил Бош Вазири Бинжамин Нетаняху билан учрашув давомида у "шанба куни Эрон билан муҳим учрашув бўлиб ўтади ва улар билан тўғридан-тўғри мулоқот олиб борамиз", деб таъкидлаб ўтди.
Маълумот учун, Эрон билан тўғридан-тўғри алоқалар охирги марта Доналд Трампнинг Президентлиги даврида, 2018 йилда бўлиб ўтган.
Аввалроқ АҚШ раҳбари Эрон музокаралардан бош тортса, қақшатқич зарбага учрашидан огоҳлантирганди.
