"Иссиқлик таъминоти" акциядорлик жамиятига раис тайинланди
Илҳом Тўраев аввал Қурилиш ва уй-жой коммунал хўжалиги вазирлигида бошқарма бошлиғи бўлиб ишлаган.
"Иссиқлик таъминоти" акциядорлик жамиятига раҳбар тайинланди.
Президентнинг "Уй-жой ҳамда бино-иншоотларни иссиқлик энергияси билан таъминлаш соҳасини тубдан ислоҳ қилиш ҳамда биноларнинг энергия самарадорлигини ошириш чора-тадбирлари тўғрисида"ги қарорига асосан Қурилиш ва уй-жой коммунал хўжалиги вазирлиги ҳузурида "Иссиқлик таъминоти" акциядорлик жамияти ташкил этилганди.
Ҳукумат қарори билан Тўраев Илҳом Ҳабибуллаевич "Иссиқлик таъминоти" АЖ бошқарув раиси этиб тайинланди.
Тайинловга қадар Илҳом Тўраев Қурилиш ва уй-жой коммунал хўжалиги вазирлиги Иссиқлик таъминоти тизимини ривожлантириш ва эксплуатация фаолиятини мувофиқлаштириш бошқармаси бошлиғи лавозимида фаолият юритган.
