Диплом бор, иш йўқ. Айб кимда?
Ҳар йили юз минглаб кадрларни етиштириб берадиган олий таълимдами ёки уларга иш топиб беролмайдиган бандлик тизимидами?
Шавкат Мирзиёев аҳоли бандлигини ошириш ва тадбиркорлик соҳасидаги мажбурий талабларни қисқартиришга оид таклифлар тақдимоти билан танишган пайтда мамлакатда ишсизлар сони 1,3 миллион кишини ташкил этгани айтилган.
Шунингдек, 2025 йилда жами 5 миллион 200 минг нафар аҳолини банд қилиш, жумладан, банклар томонидан 3 миллиондан зиёд кишини иш билан таъминлаш режалаштирилган.
Агар мамлакатдаги 18-22 ёшли ёшлар сонини тахминан 3 миллион деб олсак, уларнинг 42 фоизи олий таълимда таҳсил олмоқда, яъни тахминан 1,26 миллион талаба. Олий таълим одатда 4 йил давом этишини ҳисобга олсак, ҳар йили тахминан 315 минг талаба университетларни битиради.
Статистик маълумотларга кўра: ёшлар орасидаги ишсизлик даражаси йиллар давомида ўзгариб келмоқда. 2022 йил 1 январ ҳолатига кўра, 16-30 ёшгача бўлганлар орасида ишсизлик даражаси 15,1 фоизни ташкил этган. 2022 йилнинг биринчи ярмига келиб, 16-30 ёшгача бўлганлар орасида ишсизлик даражаси 14,5 фоизгача пасайган. 2024 йилда умумий ишсизлик даражаси йил бошидаги 6,8 фоиздан 5,8 фоизга камайган.
Батафсил юқоридаги видеолавҳада.
