Ўзбекистон ва Тожикистон ўртасидаги иттифоқчилик шартномаси кучга кирди
Шартнома ўтган йили 18 апрел куни Душанбе шаҳрида бўлиб ўтган олий даражадаги икки томонлама саммитда имзоланган эди.
Сиёсат
2 кун аввал, 12:32
Ўзбекистон ва Тожикистон раҳбарлари Хўжанд шаҳрида музокара ўтказдилар.
Музокаралар якунида Ўзбекистон Республикаси Президенти Шавкат Мирзиёев ва Тожикистон Республикаси Президенти Эмомали Раҳмон ҳузурида ташқи сиёсат идоралари раҳбарлари Ўзбекистон билан Тожикистон ўртасида Иттифоқчилик муносабатлари тўғрисидаги шартноманинг кучга кириши ҳақидаги баённомани имзоладилар ва ратификация ёрлиқларини алмашдилар.
Шартнома ўтган йили 18 апрел куни Душанбе шаҳрида бўлиб ўтган олий даражадаги икки томонлама саммитда имзоланган эди.
Ҳужжат ратификация ёрлиқлари алмашилган кундан эътиборан кучга киради.
