"Агробанк" раиси Рустам Маматқулов ишдан кетди
Ўтган йили у "Дўстлик" ордени билан тақдирланганди.
Жамият
Кеча, 8:34
"Агробанк" АТБ бошқаруви раиси Рустам Маматқулов лавозимидан кетган.
Банк расмий сайтининг "Раҳбарият" бўлимида раис номи ўзгарган. Аммо бу ҳақда ҳозирча ҳеч қаерда расмий маълумот берилмади.
Айни пайтда Эркин Қаҳҳоров Агробанк" АТБнинг янги раиси этиб тайинланган. У бу пайтгача раиснинг биринчи ўринбосари эди.
Эслатиб ўтиш керак, ўтган йили Рустам Маматқулов "Дўстлик" ордени билан тақдирланганди.
