Ўзбекистон Petronas корпорацияси билан ҳамкорлик қилади
Корпорация нефт-газ, нефт-кимё ва қайта тикланувчи энергетика соҳаларида етакчилардан бири ҳисобланади.
Ўзбекистон нефт-газ, нефт-кимё ва қайта тикланувчи энергетика соҳаларида етакчилардан бири бўлган Petronas корпорацияси билан ўзаро манфаатли ҳамкорликни ривожлантиради.
Малайзия пойтахти Куала-Лумпур шаҳрида Ўзбекистон президенти Шавкат Мирзиёев ва Малайзия бош вазири Анвар Иброҳим Petronas корпорацияси бош қароргоҳи – Twin Towers биносига ташриф буюриб, компания президенти Муҳаммад Тавфиқ билан учрашув ўтказди.
Шавкат Мирзиёев хомашёни чуқур қайта ишлаш ва "яшил" энергетика лойиҳаларини амалга ошириш борасидаги истиқболли режаларни қўллаб-қувватлади.
Шунингдек, геология-қидирув ишларини олиб бориш ва истиқболли углеводород конларини ўзлаштириш, карбонат ангидрид газини ушлаб қолиш ва сақлаш бўйича илғор технологияларни жорий этиш, Petronas университети негизида юқори малакали кадрлар тайёрлашга эътибор қаратилади.
