Январда истеъмол товарлари нархи ошди
Истеъмол секторидаги нархларнинг йиллик ўсиш даражаси 9,9 % ни ташкил этган.
Январ ойида истеъмол секторидаги товарлар ва хизматлар нархлари ўртача 0,7 % га ошган. Бу ҳақда Статистика агентлиги хабар берди.
Маълумотларга кўра, январда истеъмол секторидаги нархларнинг йиллик (2024 йил январ ойига нисбатан) ўсиш даражаси 9,9 % ни ташкил этган.
2025 йилнинг январ ойида истеъмол нархлари индекси таркибида озиқ-овқат маҳсулотлари нархлари ўртача 0,8 % га, ноозиқ-овқат товарлари 0,3 % га ва аҳолига пуллик хизматлар кўрсатиш нархлари ўртача 1,1 % га ошгани кузатилган.
Мазкур ҳисоб-китобларни амалга ошириш учун 10 мингдан ортиқ савдо нуқталари ва хизмат кўрсатиш объектларида 120 мингдан зиёд нархлар қайд этилган.
420 турдаги озиқ-овқат ва ноозиқ-овқат маҳсулотлари ва 90 турдаги хизматлар нархлари кузатилди.
