Абдуқодир Ҳусанов расман "Манчестер Сити" ўйинчиси сифатида таништирилди
У Англия чемпионатида тўп сурадиган биринчи ўзбекистонликка айланади.
Спорт
20 январь, 23:34
Ўзбекистон терма жамоаси ҳимоячиси Абдуқодир Ҳусанов расман Англиянинг "Манчестер Сити" клуби ўйинчисига айланди.
Келишув 2029 йилгача амал қилади.
Аввалроқ Манчестер клуби 20 ёшли футболчи учун "Ланс" га 40 млн евро тўлаши хабар қилинганди. Бу қиймат бонуслар ҳисобига яна ортиши мумкин.
Абдуқодир Ҳусанов Англия Премер-лигасида ўйнайдиган биринчи ўзбек футболчисига айланди.
Шунингдек, Абдуқодир ўзбек ўйинчилари орасида энг қиммат трансфер бўлди. Шу пайтгача Элдор Шомуродов энг қиммат ўзбек футболчиси бўлиб келаётганди.
