Самарқандда беш киши заҳарланишдан вафот этди
Улар спиртли ичимликдан заҳарланган бўлиши мумкин.
Жамият
13 январь, 17:39
Самарқандда беш киши заҳарланишдан вафот этди.
Бир неча шахс заҳарланишдан вафот этганлиги юзасидан прокуратура томонидан терговга қадар текширув ҳаракатлари олиб борилмоқда.
Олинган дастлабки маълумотларга кўра, 5 нафар шахс вафот этган. Улар ароқдан заҳарланган бўлиши мумкин.
Марҳумларнинг ўлими сабабларини аниқлаш мақсадида суд-тиббиёт ҳамда кимёвий экспертизалар тайинланган.
Натижалари ҳақида қўшимча равишда хабар қилинади, дейилади прокуратура хабарида.
Эслатиб ўтамиз, аввалроқ Андижонда ҳам беш киши конякдан заҳарланиб вафот этганди.
