Фаластин ўз ҳудудида Al-Jazeera телеканалига тақиқ қўйди
Ғарбий соҳилдаги маъмурият телеканални "фитна қўзғатувчи материаллар" тарқатишда айлаган.
Фаластин ҳукумати Al-Jazeera телеканалини "фитна қўзғатувчи материаллар" тарқатишда айлаб, фаолиятига чеклов қўйди.
Маъмурият буйруғига кўра, Ғарбий Соҳилда Al-Jazeera телеканали фаолияти тўхтади.
Бу қарор телеканал "низо чиқарувчи хабарлар" тарқатгани сабабли қабул қилинди деб хабар беради Фаластиннинг Wafa ахборот агентлиги.
Фаластин маъмурияти бундан аввалроқ Al-Jazeera'га Ғарбий Қирғоқнинг шимолий қисмидаги Фаластин мудофаа кучлари билан ҲАМАСга алоқадор фаластинлик қуролли гуруҳлар ўртасида тўқнашув бўлиб ўтган ҳудуд - Женин вилоятидан хабар беришни таъқиқлаган эди.
Телеканал бу ҳаракатни "босиб олинган ҳудудларда, айниқса, Женин ва унинг лагерларида содир бўлаётган воқеаларни яширишга уриниш" сифатида қоралади. 2 январ куни эълон қилинган баёнотда телеканал “бу қарордан ҳайратда қолганини” билдириб, ҳукуматни қарорни бекор қилишга чақирди.
Шунга қарамай тақиқ қанча вақт давом этиши номаълумлигича қолмоқда.