Хитойда автомобил йўли ўпирилиши оқибатида 19 киши ҳалок бўлди
Расмийларнинг фикрича, фавқулодда ҳолатга ўтган ҳафтадаги кучли жала сабаб бўлган бўлиши мумкин.
Жаҳон
1 май, 13:30
Хитойда автомобил йўлининг қулаши оқибатида 19 киши ҳалок бўлди.
Фожиа бугун, 1 май куни Хитой жанубидаги Гуандун провинциясида юз берди. РИА "Новости" Хитой марказий телевидениесига таяниб ёзишича, вайроналар остида 18 та машина қолиб кетган.
Яна 30 киши шифохонада. Уларнинг ҳаёти хавф остида эмас.
Қулаган автомобил йўлининг узунлиги 17,9 метр, майдони 184,3 квадрат метрни ташкил қилади.
Расмийларнинг фикрича, фавқулодда ҳолатга ўтган ҳафтадаги кучли жала сабаб бўлган бўлиши мумкин. Қутқарув операциясида 500 дан ортиқ одам иштирок этмоқда.
