Қашқадарёда прокуратура терговчиси қўлга олинди
Қашқадарё вилояти прокуратураси ДХХ вилоят бошқармаси ходимлари билан ҳамкорликда тадбир ўтказган.
![Қашқадарёда прокуратура терговчиси қўлга олинди](https://cp.platina.uz/media/CACHE/images/prokuratura-5_1ixL9Q7.d8af8089c67f.webp)
Қашқадарёда прокуратура терговчиси қўлга олинди. Бу ҳақда Бош прокуратура матбуот хизмати раҳбари Ҳаёт Шамсутдинов Platina.uzга маълум қилди.
8 апрель куни Қашқадарё вилояти прокуратураси ДХХ вилоят бошқармаси ходимлари билан ҳамкорликда тадбир ўтказган. Унда Қарши тумани прокуратураси терговчиси иш юритувидаги жиноят иши бўйича айбдор шахсга нисбатан енгиллик қилиб бериш эвазига 5 минг АҚШ долларини олган вақтида ушланган.
Макур ҳолат юзасидан жиноят иши қўзғатилиб, гумонланувчи процессуал тартибда ушланган. Тергов ҳаракатлари олиб борилмоқда.
Эслатиб ўтамиз, аввалроқ ДХХ прокурор ўринбосари ва собиқ терговчини ушлаганди.